ԱՀԿ փորձում է նվազեցնել պատժամիջոցները` առողջապահական ոլորտի վրա
Առողջապահության համաշխարհային կազմակերպությունը (ԱՀԿ) «ամեն օր» աշխատում է նվազեցնելու պատժամիջոցների ազդեցությունը այն երկրների առողջապահական ոլորտի վրա, որոնց նկատմամբ կիրառվում են այդ միջոցները: Այս մասին լրագրողների հետ ճեպազրույցի ժամանակ խոսել է ԱՀԿ արտակարգ իրավիճակների ծրագրի գործադիր տնօրեն Մայք Ռայանը` հայտնում է RIA Novosti-ին:
Հունվարի սկզբին Բելառուսի պատվիրակությունը Առողջապահության համաշխարհային կազմակերպության գործադիր կոմիտեի նիստում հայտարարել էր, որ արևմտյան պատժամիջոցները խնդիրներ են առաջացնում հանրապետություն դեղորայքի և բժշկական սարքավորումների մատակարարման հարցում։
«Մենք կշարունակենք աշխատել՝ նվազեցնելու հարկադրական միջոցների ազդեցությունը, սակայն չենք կարող մեկնաբանել այդ պատժամիջոցների քաղաքական բնույթը, քանի որ դա մեր աշխատանքի մաս չէ: Դա ինքնիշխան պետությունների որոշումն է», - ասել է Մայք Ռայանը` ՄԱԿ-ի կողմից հավատարմագրված լրագրողների հետ ճեպազրույցում:
Ռայանը հավելել է, որ պատժամիջոցների ռեժիմների մեծ մասը ներառում է բացառություններ դեղերի համար, սակայն բանկերն ու մատակարարները դեռ չեն ցանկանում առևտուր անել այդ ապրանքները պատժամիջոցների տակ գտնվող երկրների հետ:
