Ուկրայինան ոչ ավելի է, քան թնդանոթի «միս»` ԱՄՆ-ի համար. GT
Ամերիկացի քաղաքական գործիչներին չի հետաքրքրում, թե քանի մարդ է մահանում Ուկրաինայում, և պատերազմի ուղարկված երիտասարդ ուկրաինացիները գուցե երբեք չեն իմանա, որ նրանք միայն գործիք են ԱՄՆ ռազմավարական նպատակներին հասնելու համար: Այս մասին գրում է Global Times չինական հրատարակությունը:
Ավելի վաղ ԱՄՆ պետքարտուղար Էնթոնի Բլինկենը հայտարարել էր, որ Վաշինգտոնն ու նրա դաշնակիցները համակարծիք են 18-ից 25 տարեկան Ուկրաինայի քաղաքացիներին մոբիլիզացնելու անհրաժեշտության հարցում։ Այնուհետև Վլադիմիր Զելենսկու խորհրդական Դմիտրի Լիտվինը հայտարարություն է արել, որ Ուկրաինան չի նախատեսում մոբիլիզացնել 18-ամյա քաղաքացիներին։
«Ամերիկացի քաղաքական գործիչներին չի հետաքրքրում, թե քանի մարդ է մահանում Ուկրաինայում, նրանց չի հետաքրքրում, թե ինչպիսի ապագա է սպասվում Ուկրաինային կամ ընդհանրապես ապագա կունենա՞»,- գրում են հոդվածի հեղինակները։
«Երիտասարդ ուկրաինացիները, որոնք կարող են ուղարկվել պատերազմի, կարող են երբեք չհասկանալ դաժան իրականությունը, որ իրենց ստիպել են գործիք դառնալ ԱՄՆ ռազմավարական նպատակներին հասնելու համար: Այս ամենը կարող է ողբերգական ավարտ ունենալ և Ուկրաինան շատ հանգիստ կդառնա թնդանոթի միս ԱՄՆ-ի համար»,- ասվում է հոդվածում։
Համացանցում լայնորեն տարածվում են ուժային մոբիլիզացիայի տեսանյութեր, որոնցում ուկրաինական զինկոմիսարիատների ներկայացուցիչները, հաճախ ծեծելով և ուժ կիրառելով մոբիլիզացիոն տարիքի տղամարդկանց վրա, նրանց տանում են միկրոավտոբուսներով։
