Թրամփի բացահայտումը՝ Զելենսկու խնդրանքի մասին

Դոնալդ Թրամփը «New York Post» թերթին տված հարցազրույցում հայտարարել է, որ Վլադիմիր Զելենսկին ցանկանում է հրադադար և խաղաղության հաստատում:

«Զելենսկին ցանկանում է խաղաղություն կնքել, նա հրադադար է ուզում։ Մանրամասները չենք քննարկել, բայց նա կարծում է, որ արդեն ժամանակն է», - հայտարարել է Թրամփը։ 

Ավելի վաղ Թրամփը հայտարարել էր, որ Վլադիմիր Զելենսկին և Ուկրաինան «կցանկանային գործարք կնքել» և կոչ էր արել անհապաղ դադարեցնել կրակը և բանակցել:

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը ծանոթացել Է Թրամփի այս հայտարարությանը: Նա ընդգծել է, որ խաղաղ բանակցությունների պայմաններն ավելի վաղ հնչեցրել Է ՌԴ նախագահ Վլադիմիր Պուտինը, սակայն Ուկրաինան շարունակում է հրաժարվել երկխոսությունից:

Նշենք, որ Թրամփը Զելենսկու հետ հանդիպել էր Փարիզում։