Վրաստանում կընդունվի նոր օրենք, բռնությունը կանխելու համար

«Սպուտնիկ» գործակալության վրացական ծառայությունը գրում է՝ Վրաստանում կընդունվի օրենք, ըստ որի՝ ցույցերի մասնակիցներին կարգելվի դեմքը փակել դիմակով կամ հագուստով։

«Կարևոր է նման օրենք ընդունել՝ երկրում բռնությունը կանխելու համար, մենք տեխնիկապես կկազմակերպենք ամեն ինչ այնպես, որ համապատասխան օրենքն ուժի մեջ մտնի մինչև ամսվա վերջ», - ասել է վարչապետ Իրակլի Կոբախիձեն։

Դեկտեմբերի սկզբին Թբիլիսիում ընդդիմության հանրահավաքների մասնակիցների և ոստիկանների միջև բախումներ են տեղի ունեցել: Ցուցարարները կիրառել են դյուրավառ նյութեր, քարեր ու շշեր նետել ոստիկանների ուղղությամբ, իսկ ոստիկանները կիրառել են ջրցան մեքենաներ: