Դամասկոսն ընկավ. փաստացի էլ չկա նախկին Սիրիան

Զինված ահաբեկչական խմբավորումները վերահսկողության տակ են վերցրել Սիրիայի մայրաքաղաք Դամասկոսի բանտը և ազատ են արձակել բոլոր բանտարկյալներին, պնդում է Al Jazeera հեռուստաալիքը։

«Կիրակի լուսադեմին զինված ընդդիմությունը հայտարարեց, որ ներխուժել է Դամասկոսի արվարձանում գտնվող բանտը և կարողացել է ազատել բանտարկյալներին», - հաղորդում է հեռուստաալիքը։

Դամասկոսի միջազգային օդանավակայանը դադարեցրել է թռիչքների ընդունումն ու ճանապարհումը: Զինյալները վերահսկողության տակ են վերցրել Դամասկոսը, պնդում է Al Hadath հեռուստաալիքը: Համացանցում կադրեր են հրապարակվել, թե ինչպես են մարդիկ փախչում օդանավակայանից: 

Զինյալները նաև գրավել են Սիրիայի պետական ռադիո-հեռուստատեսության շենքը: