«Սա վտանգավոր է». Լավրով

Ռուսաստանն ու ԱՄՆ-ն պաշտոնապես պատերազմական վիճակում չեն, բայց հիբրիդային պատերազմ է մղվում Մոսկվայի դեմ։ Այս մասին ամերիկացի լրագրող Թաքեր Կարլսոնին տված հարցազրույցում հայտարարել է ՌԴ արտգործնախարար Սերգեյ Լավրովը։

«Պաշտոնապես մենք (ՌԴ-ն և ԱՄՆ-ն) չենք կռվում։ Ոմանք այն, ինչ տեղի է ունենում Ուկրաինայում, անվանում են հիբրիդային պատերազմ։ Ես էլ այդպես կանվանեի», - ասել է Լավրովը:

Արտգործնախարարը հավելել է, որ առանց ԱՄՆ-ի ռազմական անձնակազմի անմիջական մասնակցության, ուկրաինացիները չէին կարողանա անել այն, ինչ անում են ժամանակակից հեռահար զինատեսակներով։ Քաղաքական գործիչն ընդգծել է, որ «սա վտանգավոր է».

Պատասխանելով հարցին, թե արդյոք ԱՄՆ-ն ու Ռուսաստանի Դաշնությունը պատերազմական վիճակում են, նախարարը նշեց, որ դա այն չէ, ինչ կցանկանար ռուսական կողմը։