Ռումինիայի ՍԴ-ն չեղարկել է նախագահական ընտրությունների արդյունքները

Ռումինիայի Սահմանադրական դատարանը չեղյալ է համարել երկրի նախագահական ընտրությունների ողջ ընտրական գործընթացը։ Այս մասին հայտնում է Սահմանադրական դատարանի մամուլի ծառայությունը, գրում է ТАСС-ը։

 «Ռումինիայի սահմանադրական դատարանը, ընտրական գործընթացի կոռեկտությունն ու օրինականությունն ապահովելու նպատակով <...> միաձայն <...> որոշեց չեղյալ համարել Ռումինիայի նախագահի ընտրության ողջ ընտրական գործընթացը»,- նշվում է հաղորդագրության մեջ։

 Գործնականում, այս որոշման արդյունքում առաջին փուլի արդյունքները չեղյալ կհայտարարվեն, իսկ նախագահական ընտրությունները նորից կանցկացվեն հենց սկզբից՝ ներառյալ նախընտրական քարոզարշավը, մեկնաբանում է Ajerpres գործակալությունը։