Շատ ուշադիր հետևում ենք, թե ինչ է կատարվում․ Պեսկով
Ռուսաստանը շատ ուշադիր հետևում է Սիրիայում տիրող իրավիճակին և մշտական երկխոսության մեջ է սիրիական իշխանությունների հետ: Այս մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը:
«Այս պահին մենք շատ ուշադիր հետևում ենք, թե ինչ է կատարվում Սիրիայում, մշտական երկխոսության մեջ ենք մեր սիրիացի բարեկամների, Դամասկոսի հետ»,- ասել Է Կրեմլի ներկայացուցիչը:
Նա նշել է, որ օգնության չափը, որի կարիքն ունի Արաբական Հանրապետությունը ահաբեկիչների դեմ պայքարելու համար, կարելի է քննարկել այդ երկրում տեղի ունեցող իրադարձությունների գնահատման հիման վրա:
Նոյեմբերի 27-ին Սիրիայում զինյալների ջոկատները հարձակում են սկսել Հալեպի շրջանում կառավարական բանակի դիրքերի վրա: Ահաբեկիչները կարողացել են գրավել 13 բնակավայր։ Սիրիական բանակը նոյեմբերի 29-ին հակահարձակման է սկսել Հալեպում և Իդլիբում զինյալների դեմ:
