Պատասխանը մեզ համար ակնհայտ է․ Լավրով
Սառը պատերազմի վերամարմնավորումն աշխարհում սպառնում է թեժ փուլ անցնելու վտանգով։ Այս մասին հայտարարել է ՌԴ ԱԳ նախարար Սերգեյ Լավրովը՝ ելույթ ունենալով Եվրոպայում անվտանգության և համագործակցության կազմակերպության արտգործնախարարների խորհրդում։
«ԱՄՆ-ն և նրա դաշնակիցները դեն նետեցին այդ ամենն (սպառազինությունների վերահսկման համաձայնագրերն), ինչպես նաև հակահրթիռային պաշտպանության և միջին հեռահարության հրթիռների մասին պայմանագրերն աղբավայր։ Հարց․ հանուն ինչի՞։ Պատասխանը մեզ համար ակնհայտ է՝ հանուն ՆԱՏՕ-ին քաղաքական առաջնագիծ վերադարձնելու ցանկության։ Աֆղանստանի խայտառակությունից հետո անհրաժեշտ էր նոր միավորող թշնամի, և արդյունքում՝ սառը պատերազմի վերամարմնավորում, բայց հիմա՝ դրա՝ թեժ փուլ անցնելու շատ ավելի մեծ ռիսկերով»,- ասել է ՌԴ արտգործնախարարը։
«Փշալարերով փաթաթված սահմանները, հակատանկային խրամատները, իր տարածքում օտարերկրյա զորքեր, գերադասելի է ամերիկյան, ընդունելու իրավունքի համար հերթում դոփելը, ահա անվտանգության իդեալը նրանց համար, ովքեր իրենց ռազմաճակատային պետություններ են հայտարարել ռուսական սպառնալիքի դեմ պայքարում»,- հայտարարել է Լավրովը։
