Նազարյանը հայտնել է, թե ինչու էր գնացել կառավարություն

Կիրանցի հետ կապված թուղթ կար, կառավարություն էի եկել, որ վերցնեմ։ Այս մասին լրագրողների հետ զրույցում ասել է արդեն անկախ պատգամավոր Գեղամ Նազարյանը, որը այսօր կառավարություն էր եկել։

Հարցին թե Նիկոլ Փաշինյանի հետ հանդիպման էր եկել` նա պատասխանեց. «Չէ այ ժողովուրդ ջան, ոչ հանդիպում է եղել, ոչ քննարկվել է, որեւէ պաշտոնի առաջարկ, ոչ էլ քննարկվելու է»,- ասել է Նազարյանը։

Ավելի վաղ Գեղամ Նազարյանը հայտնել էր․ «Ինձ խմբակցությունից չեն հեռացրել, տեղի է ունեցել համատեղ քննարկում և դրա արդյունքում որոշում է կայացվել, որ շատ ավելի արդյունավետ կլինի մեր աշխատանքը, եթե ես աշխատեմ իմ աշխատանքը որպես անկախ պատգամավոր»։