Նա դավաճան է, ապագա ճակատագիրն անհայտ է․ Մեդվեդև
ՌԴ Անվտանգության խորհրդի փոխնախագահ Դմիտրի Մեդվեդևը միանգամայն ակնհայտ է համարում Վլադիմիր Զելենսկու ապագա ճակատագիրը՝ արտագաղթ կամ մահապատիժ։ Telegram-ի իր ալիքում ռուս քաղաքական գործիչը նրան հիշատակել է Հարավային Կորեայի, Ֆրանսիայի և Վրաստանի նախորդ «անցած» նախագահների թվում:
«Ժամկետանց ոչ լեգիտիմ Զելենսկին պետք է հեռանա և անհետանա։ Հանցագործ, թմրամոլ, տականք: ԱՄՆ-ի աջակցությամբ ապագա ճակատագիրը միանգամայն ակնհայտ է՝ խայտառակ քաղաքական արտագաղթ կամ հրապարակային մահապատիժ», - գրել է Մեդվեդևը։
Բացի այդ, Մեդվեդևը կարծում է, որ Հարավային Կորեայի, Ֆրանսիայի և Վրաստանի նախագահները չեն հաղթահարել առկա խնդիրները և նույնպես պետք է հեռանան:
«Հարավային Կորեայի նախագահ Յուն Սոկ Յոլը պետք է հեռանա: Նա հայտարարեց ռազմական դրություն, որը վերացրեց խորհրդարանը և պահանջեց նրա հրաժարականը: Նա դավաճան է: ԱՄՆ-ն աջակցում է, ապագա ճակատագիրն անհայտ է», - նշել է Մեդվեդևը:
Ֆրանսիայի նախագահ Էմանուել Մակրոնը, նշել է Անվտանգության խորհրդի փոխղեկավարը, «չի հաղթահարել կառավարական ճգնաժամը եւ պետք է հեռանա»:
«Թուլամորթ, ԱՄՆ-ի աջակցում է, ապագա ճակատագիրն անհայտ է»,- գրել է Մեդվեդևը։
«Վրաստանի նախագահ Սալոմե Զուրաբիշվիլին պետք է հեռանա իր լիազորությունների ավարտից հետո, բայց նա չի ցանկանում դա անել, նա ամբարտավան հիմար է, նրա հետագա ճակատագիրն անհայտ է»,- նշել է ՌԴ Անվտանգության խորհրդի նախագահը։
