Դա ուղիղ վնաս է հասցնում ՀՀ–ՌԴ հարաբերություններին. Զախարովա
Երևանի մասնակցությունը Հռոմի ստատուտին ուղղակի վնաս է հասցնում հայ-ռուսական հարաբերություններին։Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ։
«Երևանի մասնակցությունը, այսպես կոչված, Հռոմի ստատուտին, Հաագայում մի շարք ռուս պաշտոնյաների ձերբակալման քվազի օրդերների ֆոնին ուղղակի վնաս է հասցնում հայ-ռուսական հարաբերություններին։ Ընդ որում, ոչ միայն խորհրդանշական, այլեւ միանգամայն գործնականում», - ասել Է դիվանագետը ։
Զախարովան ընդգծել է, որ եթե ՄՔԴ-ի հետ Հայաստանի համագործակցությունը կարող էր նպաստել միջազգային որոշ իրավական նորմերի ամրապնդմանը, ապա դա դեռ ինչ-որ կերպ կարելի էր հասկանալ և նույնիսկ ողջունել: Բայց, նրա խոսքով, այդ «կեղծ դատարանի» երկու տասնամյակների աշխատանքի պրակտիկան ճիշտ հակառակն է ասում։
«ՄՔԴ-ն չի օգնել կարգավորել ոչ մի հակամարտություն, որով նա փորձել է զբաղվել։ Ընդ որում՝ միջազգային իրավունքի, արդարադատության բազային ստանդարտների և պարզապես ողջախոհության ուղղակի խախտումների պակաս չկա նրա ծառայողական ցուցակում։ Աջակցության և համագործակցության պատրաստակամության մասին հայտարարությունները միայն խրախուսում են այսպես կոչված դատարանին նոր արկածախնդրությունների դիմել»,- նշել է Զախարովան։
Ինչպես հայտարարել է Մարիա Զախարովան Հայաստանի միանալը ՄՔԴ-ի հռոմեական ստատուտին լավագույն կերպով չի անդրադառնում երկկողմ հարաբերությունների վրա՝ ստիպելով Երևանին որոշակի ընտրություն կատարել ՄՔԴ-ի գծով Արեւմուտքի թելադրած պարտավորությունների եւ Ռուսաստանի հետ քաղաքական երկխոսության, եվրասիական ինտեգրման շրջանակներում փոխգործակցության միջեւ:
