Պուտինը խնդրե՞լ է Շոլցին Զելենսկիին ուղերձ փոխանցել

ՌԴ նախագահի մամուլի քարտուղար Դմիտրի Պեսկովը ճեպազրույցի ժամանակ ասել է, որ Վլադիմիր Պուտինը Գերմանիայի կանցլեր Օլաֆ Շոլցի հետ հեռախոսազրույցի ընթացքում չի խնդրել որևէ բան փոխանցել Ուկրաինայի ղեկավար Վլադիմիր Զելենսկիին։

Նա նշել է, որ Կրեմլը վերահսկում է Շոլցի այցը Կիև և, ընդհանրապես, Գերմանիայի բոլոր միջազգային շփումները։

Շոլցը 2,5 տարվա մեջ առաջին անգամ մեկնել է  Կիև՝ բանակցելու Զելենսկու հետ։ Նա նշել է, որ հանդիպմանը պատրաստվում է հայտարարել 650 մլն եվրո արժողությամբ ռազմական նշանակության արտադրանքի հետագա մատակարարումների մասին, որոնք պետք է ուղարկվեն դեկտեմբերին։

Երկու շաբաթ առաջ Շոլցն ու Պուտինն  գրեթե երկու տարի հետո իրենց առաջին հեռախոսազրույցն են ունեցել։ Գերմանիայի կառավարությունը հայտնել է, որ զրույցի ընթացքում կանցլերը կոչ է արել Ռուսաստանի պետության ղեկավարին բանակցել Ուկրաինայի հետ՝ «արդար և երկարաժամկետ խաղաղության հասնելու համար»։

Պուտինն արձագանքել է՝ նշելով, որ Մոսկվան երբեք չի լքել դրանք, և ուշադրություն է հրավիրել նոր տարածքային իրողությունների հետ հաշվի առնելու և հակամարտության բուն պատճառները վերացնելու անհրաժեշտության վրա։