«Մի հավատացեք դրան, այդ ամենը սադրանք է». Զուրաբիշվիլի

Վրաստանի նախագահ Սալոմե Զուրաբիշվիլին սադրիչ է համարել լուրերն այն մասին, որ Կիևի կողմից կռված վրացի վարձկանները պատրաստվում են միանալ Թբիլիսիում ցուցարարներին։

«Ես ստացել եմ տարբեր ձևերի հաղորդագրություններ, որ իբր վրացի զինվորականներ են ժամանել Ուկրաինայից և պատրաստվում են որպես զինվորականներ միանալ այս բողոքի ակցիային, սա ուղղակի սադրանք է, մի հավատացեք դրան, քանի որ այս բողոքն ամենից շատ անհանգստացնում է իշխող կուսակցությանը»,- ճեպազրույցում ասել է Զուրաբիշվիլին։

Նա ընդգծել է, որ ցույցերը շարունակվեն ինքնակազմակերպված՝ առանց քաղաքական կուսակցությունների կամ նույնիսկ իր միջամտության։ Բացի այդ, Զուրաբիշվիլին անհրաժեշտ է համարում, որ քաղաքացիական հասարակությունը և հասարակական կազմակերպությունները «ազդեն Սահմանադրական դատարանի վրա», որը գտնվում է Բաթումի քաղաքում, որպեսզի ստիպեն նրան հետաքննություն սկսել իր հայցի քննարկման առնչությամբ։ Ըստ Զուրաբիշվիլիի անցած խորհրդարանական ընտրությունները  ոչ լեգիտիմ էին:

Հիշեցնենք, որ ընդդիմության բողոքի հերթական շարքը Վրաստանում սկսվել է հինգշաբթի օրը այն բանից հետո, երբ վարչապետ Իրակլի Կոբախիձեն հայտարարեց Եվրամիությանը երկրի անդամակցության շուրջ բանակցությունների մեկնարկի քննարկումը մինչև 2028 թվականը դադարեցնելու որոշման մասին։