QR ուղետոմսերի վավերականության ժամկետը կնվազեցվի. քաղաքապետարան

Սիրելի՛ երևանիցներ, տեղեկացնում ենք, որ տոմսային համակարգի անխափան աշխատանքի ապահովման նկատառումներով, այսուհետ QR ուղետոմսերի վավերականության ժամկետը կնվազեցվի' սահմանելով 7 օր: Այս մասին հայտնում է Երևանի քաղաքապետարանը:

«Տեղեկացնում ենք նաև, որ բանկային քարտերով վճարումների իրականացման ապահովումը գտնվում է ավարտական փուլում, այժմ իրականացվում են փորձարկման աշխատանքներ։ Առաջիկայում կհայտարարվի ամբողջական գործարկման մասին»,- ասված է հաղորդագրության մեջ:

Հավելենք, որ նախկինում QR ուղետոմսերի վավերականության ժամկետը մեկ ամիս էր: