ՏԵՍԱՆՅՈՒԹ. Ինքնաթիռ է ընկել բնակելի շենքի վրա. կա զոհ. Լիտվա
Լիտվայում՝ Վիլնյուսի օդանավակայանից ոչ հեռու, վթարի է ենթարկվել DHL բեռնատար ինքնաթիռը։ Այս մասին հայտնում է Reuters-ը։
«DHL բեռնատար ինքնաթիռը վթարի է ենթարկվել Վիլնյուսի օդանավակայանի մոտ երկուշաբթի օրը՝ ժամը 05:30-ի սահմաններում»,- հայտնել են օդանավակայանի պաշտոնյաները և Լիտվայի ոստիկանությունը:
Ինքնաթիռն ընկել է երկհարկանի բնակելի շենքի վրա։ Ինքնաթիռում եղել է երկու օդաչու և ընկերության երկու աշխատակից։ Մահացել է առնվազն մեկ մարդ, մեկն էլ վիրավորվել է։
Ինքնաթիռը Վիլնյուս էր թռչում Լայպցիգից։ Դեպքի վայրում աշխատում են հրշեջ-փրկարարները։
