ՏԵՍԱՆՅՈՒԹ. «Օրեշնիկ» համալիրը կարող է թիրախներ խոցել ողջ Եվրոպայում. Կարակաև

«Օրեշնիկ» հրթիռային համալիրը կարող է թիրախներ խոցել ամբողջ Եվրոպայում, ասել է Ռուսաստանի Դաշնության Ռազմավարական հրթիռային ուժերի գլխավոր հրամանատար Սերգեյ Կարակաևը:

«Ելնելով հանձնարարված առաջադրանքներից և այս զենքի գործողության շրջանակից՝ այն կարող է թիրախներ խոցել ողջ Եվրոպայում, ինչը շահեկանորեն այն տարբերակում է հեռահար ճշգրիտ զենքի այլ տեսակներից»,- ասել է Կարակաևը Ռուսաստանի նախագահ Վլադիմիր Պուտինի նախագահությամբ կայացած հանդիպմանը:

ՌԴ նախագահ Վլադիմիր Պուտինն իր հերթին ասել է, որ «Օրեշնիկ» հրթիռային համակարգի կիրառման արդյունքները, շնորհիվ իրենց հարվածային հզորության, իրականում համեմատելի են ռազմավարական զենքի հետ, սակայն այս համակարգը զանգվածային ոչնչացման զենք չէ։