Գիտեն՝ դա իրենց համար ինչով կավարտվի, զգուշացրել ենք՝ շատ ցավալի կլինի․ Զախարովա

Արժեր, որ Եվրամիությունն (ԵՄ) Ուկրաինային փոխանցեր երկրի նախագահ Վլադիմիր Զելենսկու և նրա թիմի սեփականությունը՝ Ռուսաստանի Դաշնության ակտիվներն ապօրինի առգրավելու փոխարեն: Այս մասին Telegram-ի իր ալիքում գրել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Դիվանագետի խոսքով՝ ներկայում Ուկրաինայի առաջնորդը փորձում է Բրյուսելից 300 մլրդ դոլարի հատկացում ստանալ ռուսական արգելափակված ակտիվների հաշվին:

«Եվրամիությունում գիտեն, թե դա իրենց համար ինչով կավարտվի։ Մենք ազնվորեն զգուշացրել ենք, որ շատ ցավալի կլինի»,- ընդգծել է նա։

Միևնույն ժամանակ, Զախարովան ուշադրություն է հրավիրել այն փաստի վրա, որ եվրոպացի պաշտոնյաները լավ գիտեն, թե որտեղ են թաքնված ուկրաինացի օլիգարխների և քաղաքական գործիչների «գողացված ակտիվները»: Այս ֆոնի վրա նա առաջարկել է ԵՄ անդամ երկրներին առգրավել Զելենսկու և նրա մերձավորների ունեցվածքը, որոնք իրականում շատ մեծ ռեսուրսներ ունեն։

«Եվ եթե դուք քերեք տակառի հատակը մնացած գողերի, ովքեր ուկրաինական պետությունը հասցրին փլուզման և երկիրը վաճառեցին, ապա Ուկրաինայի տնտեսությունը կարող է վերականգնվել»,- ավելացրել է նախարարության ներկայացուցիչը։ 

Մասնավորապես, նա Բրյուսելին կոչ է արել ուշադրություն դարձնել Ուկրաինայի նախկին նախագահ Պյոտր Պորոշենկոյի և Կիևի գործող քաղաքապետ Վիտալի Կլիչկոյի սեփականությանը: