Ողջունում ենք Հայաստանին և Ադրբեջանին. ԱՄՆ Պետդեպի ներկայացուցիչ
Միացյալ Նահանգները ողջունում է Հայաստանին և Ադրբեջանին` երկու երկրների միջև սահմանի սահմանազատման ընթացակարգի կանոնների պաշտոնականացման համար։ X սոցիալական ցանցում նման հայտարարություն է արել ԱՄՆ Պետդեպարտամենտի ներկայացուցիչ Մեթյու Միլլերը։
«Սա ցույց է տալիս, որ առաջընթացը հնարավոր է շարունակական երկխոսության միջոցով։ Մենք աջակցում ենք երկու կողմերի աշխատանքին` ուղղված ամուր, արժանապատիվ խաղաղությանը` հանուն տարածաշրջանում անվտանգության և բարգավաճման»,-գրել է նա։
