ՏԵՍԱՆՅՈՒԹ. Ցուցարարները սուլել են Թբիլիսի ժամանած Հունգարիայի վարչապետին
Վրաստանում ընդդիմության կողմնակիցները սուլել են մի քանի ժամ առաջ պաշտոնական այցով Թբիլիսի ժամանած Հունգարիայի վարչապետ Վիկտոր Օրբանին։
Միջադեպը տեղի է ունեցել Թբիլիսի Մարիոթ հյուրանոցի մոտ, որը գտնվում է Ռուսթավելի պողոտայում, որտեղ ընթանում է խորհրդարանական ընտրությունների արդյունքների դեմ ցույցը։
Ավելի վաղ հայտնել էինք, որ Վրաստանի նախագահ Սալոմե Զուրաբիշվիլին չի ճանաչում խորհրդարանական ընտրությունների արդյունքները։ Զուրաբիշվիլին երկրի ներկայիս կառավարությունն անվանել է ոչ լեգիտիմ: Նա բնակիչներին կոչ է արել երկուշաբթի Թբիլիսիում խորհրդարանի դիմաց դուրս գալ բողոքի ցույցի:
Նշենք, որ Վրաստանի նախկին նախագահ Միխեիլ Սաակաշվիլին կոչ է արել բոյկոտել խորհրդարանի աշխատանքը և բողոքի ցույցեր անել:
