ՏԵՍԱՆՅՈՒԹ. Դատարկ խանութներ, փակ ճանապարհներ. իրավիճակը՝ Վալենսիայում
Ջրհեղեղի հետևանքով Վալենսիայի որոշ խանութներում սպառվել են սնունդ ու ջուրը: ТАСС–ի հաղորդմամբ՝ Վալենսիայի կենտրոնը ջրհեղեղից չի տուժել, սակայն զգալի վնասներ են կրել Իսպանիայի ինքնավար համայնքի կենտրոնի արվարձանները։ Աղետի ավերիչ հարվածից հետո տեղի բնակիչներից շատերը սկսել են ակտիվորեն սնունդ գնել խանութներից, որոնք արդեն հասցրել են դատարկվել:
RT-ն, հղում տալով տեղի բնակիչներից մեկին, գրում է, որ իշխանությունները չեն տարհանել բնակիչներին։ Քաղաքաբնակներին միայն զգուշացրել են, որ անձրև է գալու ևս մեկ շաբաթ: Նշվում է, որ տեղացիների համար նման մասշտաբի ջրհեղեղն անսպասելի է եղել, ուստի նրանք չեն շտապել հեռանալ։
«Այժմ Վալենսիայից հեռանալը գրեթե անհնար է. ճանապարհները փակ են, իսկ տներում լույս չկա»,– պատմել է զրուցակիցը։
ԶԼՄ-ների տվյալներով՝ ջրհեղեղի հետևանքով զոհվել է առնվազն 155 մարդ։
