ՏԵՍԱՆՅՈՒԹ. Վրաստանում ընտրություններն անցնում են լարված մթնոլորտում

Վրաստանում ընտրություններն անցնում են լարված մթնոլորտում, ինչը կարելի է ասել համացանցում հրապարակվող տեսանյութերից:

Թբիլիսիի ծայրամասում՝ Իսանի շրջանում գտնվող ընտրատեղամասի մոտ, ընտրողները ծեծկռտուք են սարքել։ Բաղդաթի ընտրատեղամասերից մեկում կոտրել են քվեատուփերը։

Եվս մեկ ծեծկռտուք է տեղի ունեցել Թբիլիսիի Գլդանի շրջանի ընտրատեղամասում: Այստեղ իրար հետ կռվել են ընտրողներն ու տեղի դիտորդները։ Ընդդիմադիր դիտորդը ֆիզիկական բռնության է ենթարկվել Վրաստանի Մարնեուլի քաղաքի 69-րդ ընտրատեղամասում։

Ինչպես հաղորդում է Վրաստանում գործող Ալիք Մեդիա լրատվամիջոցը, դեպքին անդրադարձել է նաև Սալոմե Զուրաբիշվիլին, նշելով, որ ամոթալի և անբարոյական է էթնիկ փոքրամասնութան օգտագործումն ընտրությունները կեղծելու նպատակով։

Մանեուլի քաղաքի 69-րդ ընտրատեղամասում տեղի ունեցած միջադեպի պատճառով նշված ընտրատեղամասի քվեներն անվավեր են ճանաչվել, ճեպազրույցում հայտնել է ԿԸՀ մամուլի խոսնակ Նաթիա Իոսելիանին։