Իսրայելական հարձակման հետևանքով կան զոհեր. Իրանի հայտարարությունը

Իրանը հայտարարել է, որ երկու զինվոր է զոհվել իսրայելական հարձակման հետևանքով, և հաստատել է, որ մայրաքաղաք Թեհրանի շրջակայքում և երկրի այլ շրջաններում թիրախավորվել են ռազմական օբյեկտները:

Tasnim լրատվական գործակալությունը հայտնել է, որ Իրանը կարճատև ընդհատումից հետո վերսկսում է թռիչքները սովորական ռեժիմով։

Իսրայելական բանակը հայտարարել է, որ իր «նպատակային և ճշգրիտ» հարձակումն Իրանի վրա՝ ի պատասխան այս ամսվա սկզբին Իսրայելի վրա իրանական հարձակումների, ավարտվել է:

Իսրայելական բանակը թիրախավորել է «հրթիռների արտադրության օբյեկտները», որտեղ, ըստ Իսրայելի պաշտպանության բանակի ներկայացուցչի, Իրանն արտադրել է այն հրթիռները, որոնք օգտագործվել են Իսրայելի վրա հարձակվելու համար:

Իրանը հայտարարել է, որ կօգտվի Իսրայելին պատասխանելու իրավունքից: