Եթե որևէ մեկը համարձակվի անօրինական քայլեր ձեռնարկել պետության կողմից շատ կոշտ պատասխան կստանա. Կալաձե
Վրաստանում ընդդիմադիր կուսակցությունները չեն վայելում ժողովրդի աջակցությունը, նրանք չեն կարողանա երկրում հեղաշրջում կամ հեղափոխություն կազմակերպել։ Այս մասին ճեպազրույցում հայտարարել է իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Ընդդիմությունը երկրում հեղաշրջում կամ հեղափոխություն անելու հնարավորություն չունի, պետք է ունենաք հասարակության և ժողովրդի աջակցությունը։ Եթե որևէ մեկը համարձակվի անօրինական քայլեր ձեռնարկել պետության կողմից շատ կոշտ պատասխան կստանա»,- ասել է Կալաձեն։
Նշենք որ ձայների 70,91%-ը հաշվելուց հետո Վրաստանի ընտրություններում հաղթում է իշխող «Վրացական երազանք» կուսակցությունը։
