Մենք կվերականգնենք խաղաղությունը Հայաստանի և Ադրբեջանի միջև. Թրամփ
Նախկին նախագահ Դոնալդ Թրամփը չորեքշաբթի ընտրողներին հայտնել է, որ ինքը հայերին և հալածված քրիստոնյաներին պաշտպանելու ճիշտ թեկնածուն է։
«Քամալա Հարիսը ոչինչ չարեց, երբ Արցախում 120.000 հայ քրիստոնյաներ սարսափելի հալածանքներ կրեցին և բռնի տեղահանվեցին»,- գրել է Թրամփը Truth Social-ում։
«Քրիստոնյաներն ամբողջ աշխարհում ապահով չեն լինի, եթե Քամալա Հարիսը դառնա Միացյալ Նահանգների նախագահ, ես կպաշտպանեմ հալածված քրիստոնյաներին, կաշխատեմ դադարեցնել բռնությունն ու էթնիկ զտումները, և մենք կվերականգնենք խաղաղությունը Հայաստանի և Ադրբեջանի միջև»,- գրել է Թրամփը։:
