Կառավարության արձագանքը` ՀՀ ՊՆ նախկին նախարարի սկանդալային գրառմանը

Այսօր մի շարք ԶԼՄ-ներում՝ մասնավորապես Ադրբեջանական, տարածվում է BRICS-ի գագաթնաժողովից լուսանկարներ, որոնք արված են այնպիսի կադրերից՝ կարծես ֆոտոշոփ լինեն։

Լուսանկարներում ՀՀ վարչապետ Նիկոլ Փաշինյանն է, իսկ նրա դիմաց դրված դրոշը՝ ադրբեջանական։ 

Քանի որ Նիկոլ Փաշինյանն ու Ալիևը իրար կողքի էին նստած հաջողվել է այնպիսի կադրեր որսալ, որոնք առաջին հայացքից կշփոթեցնեն հանրությանը։ 

Նախկին ՊՆ նախարար Արշակ Կարապետյանն էլ օգտվելով համացանցում տարածված լուսանկարներից, դրանք տեղադրել է ֆեյսբուքյան իր էջում։ 

Այս ամենին անդրադարձ է կատարել վաչապետի աշխատակազմի ղեկավարի տեղակալ Տարոն Չախոյանը գրելով.

«Երկրից թռած գեներալը վարչապետից կեղծ լուսանկար Է հրապարակել՝ Մոսկվայում հայրենասեր խաղալով։ Ահա այն ամենը, ինչ պետք է իմանալ մերօրյա փրկիչների մասին, ովքեր Մոսկվաներում վիզները ծուռ ինչ-որ քարտուղարուհուց «դաբռո» են մուրում։ Ֆոտոշոփով հայրենիք են փրկում։ Ինչքան հրապարակած լուսանկարն է կեղծ, նույնքան էլ իրենք»։