Սա ևս մեկ հիշեցում է Պուտինին. Բայդեն
ԱՄՆ նախագահ Ջո Բայդենը հայտարարություն է տարածել Ուկրաինային աջակցելու համար ռուսական սառեցված ակտիվները օգտագործելու պատմական որոշման վերաբերյալ։
Հայտարարության տեքստը հրապարակել է Սպիտակ տունը։
«Այս ամառ ես գլխավորեցի G7֊ի երկրների միացյալ ջանքերը, որպեսզի Ուկրաինային տրամադրեն 50 միլիարդ դոլար եկամուտների աճի հրատապ վարկեր՝ ապահովված ռուսական անշարժացված ինքնիշխան ակտիվներից ստացված շահույթով»,- նշվում է հայտարարության մեջ:
Հայտարարության մեջ նշվում է, որ G7-ի փաթեթի շրջանակում Միացյալ Նահանգները հայտարարում է Ուկրաինային 20 միլիարդ դոլարի չափով վարկերի տրամադրման մասին, որոնք կվճարվեն ռուսական սառեցված ակտիվներից ստացված տոկոսների հաշվին։ «Այլ խոսքերով` Ուկրաինան կկարողանա անհրաժեշտ օգնություն ստանալ հիմա` չծանրաբեռնելով հարկատուներին։ Այս վարկերը կաջակցեն Ուկրաինայի ժողովրդին, երբ նա պաշտպանում և վերակառուցում է իր երկիրը: Եվ մեր ջանքերով պարզ է դառնում՝ բռնակալները պատասխան են տալու իրենց պատճառած վնասի համար»։
«Մի սխալվեք. Ռուսաստանը չի հաղթի այս հակամարտությունում. Ուկրաինայի ժողովուրդը հաղթելու է. Սա ևս մեկ հիշեցում է Վլադիմիր Պուտինին, որ աշխարհը հավաքվել է Ուկրաինայի շուրջ, և Միացյալ Նահանգները և G7-ի մեր գործընկերները կշարունակեն աջակցել նրան ամեն քայլափոխի»,- նշվում է հաղորդագրության մեջ:
