«Հեզբոլլահի» քանի զինյալ է ոչնչացվել Իսրայելի դեմ ՀԱՄԱՍ–ի հարձակումից հետո
2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից հետո իսրայելցի զինվորականները սպանել են «Հեզբոլլահ» շարժման ավելի քան 2 հազար անդամի, երկուշաբթի հաղորդել է The Times of Israel-ը՝ վկայակոչելով Իսրայելի պաշտպանության բանակի (IDF) տվյալները:
Իսրայելի պաշտպանության բանակը «հեզբոլլահի» զինյալներից 1,2 հազարին ոչնչացրել է Լիբանանում հարձակողական գործողությունների ժամանակ: Սպանվածների թվում կան մի շարք հրամանատարներ։
Իսրայելի պաշտպանության բանակը կարծում է, որ «Հեզբոլլահը» դժվարությամբ է համալրում ուժերը՝ հակազդելու իսրայելական հինգ դիվիզիաներին, որոնք գործում են հարավային Լիբանանում:
Իսրայելի պաշտպանության բանակը գնահատում է, որ «Հեզբոլլահը» դեռևս ունի մինչև Իսրայելի հետ ռազմական գործողությունների մեկնարկը եղած հրթիռային զինանոցի 30%-ը, բայց նույնիսկ այս դեպքում խոսքը հազարավոր հրթիռների մասին է։ Այնուամենայնիվ, «Հեզբոլլահի» առաջնորդների, ինչպես նաև դաշտային շատ հրամանատարների վերացումը շարժմանը թույլ չի տալիս իրականացնել այնպիսի զանգվածային հրթիռային հարձակումներ, ինչպես նրանք ի սկզբանե ակնկալում էին, պարզաբանել են Իսրայելի պաշտպանության բանակը:
