Բրազիլիայի նախագահ Լուիս Ինասիո Լուլա դա Սիլվան հրապարակել է առաջին լուսանկարը` գլխի վնասվածք ստանալուց հետո: Պետության ղեկավարը լուսանկարում կենսուրախ տեսք ունի և այն հրապարակել է X-ի իր միկրոբլոգում:

«Աշխատանքային հանդիպում Նախագահի հատուկ խորհրդական Սելսո Ամորիմի և նախարար Պադիլլայի հետ: Խոսեցինք ապագայի, ներքին և միջազգային քաղաքական օրակարգի մասին»,- գրել է նախագահը հրապարակված լուսանկարի տակ։

Հիշեցնենք, որ կիրակի օրը պետության ղեկավարի մամուլի ծառայությունը հայտնել է, որ Բրազիլիայի նախագահ Լուիս Ինասիո Լուլա դա Սիլվան բժշկական նկատառումներով չի մեկնի Կազանում կայանալիք BRICS-ի գագաթնաժողովին, այլ միջոցառմանը կմասնակցի տեսակոնֆերանսի միջոցով։