Նեթանյահուն Իրանին մեղադրել է իր դեմ մահափորձի մեջ

Իսրայելի վարչապետ Բենիամին Նեթանյահուն Իրանին մեղադրել է իրեն և իր կնոջը վերացնելու փորձի մեջ և դա անվանել «ահռելի սխալ»։ Այս մասին գրում է РИА Новости–ն:

Շաբաթ օրը ավելի վաղ Իսրայելի Պաշտպանության բանակը (IDF) հայտնել էր, որ երեք անօդաչու թռչող սարքեր են արձակվել Լիբանանից, որոնցից երկուսը որսացել են, իսկ մեկը հարվածել է Կեսարիայի տարածքում գտնվող շենքին, որը ներառում է վարչապետի առանձնատունը։

Ավելի ուշ Նեթանյահուի գրասենյակը հայտնել է, որ անօդաչու թռչող սարքի հարձակման թիրախը եղել է Նեթանյահուի նստավայրը, որտեղ հարվածի պահին ներկա չեն եղել ո՛չ վարչապետը, ո՛չ նրա կինը։ Միջադեպի արդյունքում ոչ ոք չի տուժել։