ՀՀ Ազգային ժողովի նախագահ Ալեն Սիմոնյանը կարծում է, որ պետք է թույլ չտալ, որ հայ-ադրբեջանական խաղաղության պայմանագրի շուրջ բանակցությունների գործընթացը մտնի փակուղի։

«Եվ դա այն է, ինչ ուզում են այն մարդիկ, այն պետությունները, որոնք թշնամաբար են տրամադրված Հայաստանի և միգուցե Ադրբեջանի նկատմամբ», - ասել է նա «Ազատությանը» տված հարցազրույցում։

Դիտարկմանը, թե նաև կարծիք է հնչում, որ տվյալ իրավիճակից ելքը կարող է լինել Հայաստանի կողմից հավելյալ զիջումների պարագայում, ինչպե՞ս է Սիմոնյանը տեսնում ելքը, նա ասել է. «Ի՞նչ զիջումների մասին է խոսքը. Հայաստանը միջազգային իրավունքի, իր ինքնիշխանության եզրագծին եկել և կանգնել է և այլևս զիջումների տեղ չունի»։