Ըստ Թրամփի` ով է «ամենակայուն մարդը»

ԱՄՆ նախագահի հանրապետական ​​թեկնածու Դոնալդ Թրամփը այսօր ասել է, որ ինքը «ամենակայուն մարդն է»՝ ի պատասխան իր դեմոկրատ մրցակից Քամալա Հարիսի քննադատություններին։

Նշենք , որ Հարիսը նախկինում Թրամփին անվանել է «անկայուն» և «անհավասարակշիռ»` հանրային իր ելույթներում։

«Դուք այս ամբողջ փաստարկը կապում եք մի կնոջ հետ, ով կարծում եմ նույնիսկ չգիտի թե որտեղ է և ինչի համար: Նրա IQ շատ ցածր է և նա խելացի չէ, իսկ ես ամենակայուն մարդն եմ»,- ասել է նախկին նախագահը Fox News-ի հետ հարցազրույցում`  ի պատասխան Հարիսի հարձակումների մասին հարցին:

Այս շաբաթվա սկզբին Wall Street Journal-ը, հղում անելով իր աղբյուրներին, հայտնել էր, որ Հարիսը որոշել է  նոյեմբերի 5-ի ընտրություններից առաջ՝ ուժեղացնել իր հարձակումները Թրամփի վրա: