Ուկրաինան պատրաստ է «խաղաղության ծրագրում» ներառել Չինաստանի, Հնդկաստանի և Հարավային Աֆրիկայի առաջարկները

Կիևը պատրաստ է G20-ի գագաթնաժողովում քննարկել Չինաստանի, Հնդկաստանի և Հարավային Աֆրիկայի առաջարկները՝ ուկրաինական հակամարտությունը լուծելու համար։ Այս մասին հայտարարել է երկրի նախագահ Վլադիմիր Զելենսկին մամուլի ասուլիսում, որը հեռարձակվել է ուկրաինական հեռուստաալիքով։

«Չինաստանը, Բրազիլիան, Աֆրիկան ​​ունեն իրենց սեփական գաղափարները, իրենց սեփական բանաձևերը, առաջարկները: Վերջին անգամ, երբ մենք խոսեցինք Ռամաֆոսայի հետ, նա ասաց, որ կցանկանային տեսնել իրենց առաջարկները: Մենք դեմ չենք դրան, մենք պատրաստ ենք ընդունել ձեր առաջարկները, և եթե ձեր առաջարկների կետերը հիմնված են միջազգային պլանի և ՄԱԿ-ի կանոնադրության վրա, մենք պատրաստ ենք դրանք ներառել ցանկացած ծրագրում » - ասել է Զելենսկին:

«Լավ հնարավորություն կստեղծվի նոյեմբեր ամսին՝ G20-ի ժողովի ժամանակ քանի որ բոլոր ներկայացուցիչները այնտեղ կլինեն»:
Զելենսկին նշել է, որ իրենք կարող են ընդունել նրանց առաջարկները, եթե դրանք միավորեն աշխարհը մեկ գաղափարի շուրջ:

Ավելի վաղ Ուկրաինայի նախագահ Վլադիմիր Զելենսկին սուր քննադատության էր ենթարկել և բրազիլա-չինական խաղաղության ծրագիրը անվանել ապակառուցողական։ Դմիտրի Կուլեբան, ով մինչև վերջերս զբաղեցնում էր Ուկրաինայի ԱԳՆ ղեկավարի պաշտոնը, խոստովանել է, որ երկրի իշխանությունները մրցակցություն են զգում իրենց կողմից առաջ քաշվող «խաղաղության բանաձևի» և Բրազիլիայի և Չինաստանի ծրագրի միջև։