Նրա մահը կարող է խթան հանդիսանալ, որ պատերազմը դադարի. Բլինկենի և Բերբոքի հայտարարությունը
Գերմանիայի արտաքին գործերի նախարար Աննալենա Բերբոքը և ԱՄՆ պետքարտուղար Բլինկենը կարծում են, որ ՀԱՄԱՍ-ի քաղաքական բյուրոյի ղեկավար Յահյա Սինվարի մահը կարող է խթան հանդիսանալ Գազայի հատվածում հակամարտությունը դադարեցնելու համար։ Այս մասին ասվում է Բեռլինում հանդիպումից հետո նրանց համատեղ հայտարարության մեջ, որը տարածել է Գերմանիայի ԱԳՆ մամուլի ծառայությունը։
«Յահյա Սինվարը դաժան մարդասպան և ահաբեկիչ էր, ով ցանկանում էր ոչնչացնել Իսրայելը և նրա ժողովրդին», - ասել են Բերբոքը և Բլինկենը: Նրանք ՀԱՄԱՍ-ի քաղբյուրոյի ղեկավարին անվանել են `անցյալ տարվա հոկտեմբերի 7-ին Իսրայելի վրա ՀԱՄԱՍ-ի հարձակման կազմակերպիչ։
«Սինվարը կանգնած էր Գազայի հատվածում զինադադարի ճանապարհին, իսկ նրա մահը կարող է խթան հանդիսանալ պատերազմի ավարտի համար», - կարծում են գերմանացի նախարարը և պետքարտուղարը: Նրանք կոչ են արել ազատ արձակել Գազայում պահվող պատանդներին, ինչպես նաև Գազայի հատվածի բնակչությանը` հումանիտար օգնություն ստանալու նպատակով:
«Գերմանիան և ԱՄՆ-ն իրենց գործընկերների հետ միասին բոլոր ջանքերը կգործադրեն այդ ուղղությամբ»,- ասվում է հայտարարության մեջ։
