95-ը 95-ի դիմաց. ՌԴ ՊՆ հայտարարությունը
Կիևի կողմից վերահսկվող տարածքից բանակցային գործընթացի արդյունքում վերադարձվել է իննսունհինգ ռուս զինվորական, հայտնում է ՌԴ ՊՆ-ն։
«Բանակցային գործընթացի արդյունքում Կիևի ռեժիմի կողմից վերահսկվող տարածքից վերադարձվել է 95 ռուս զինվորական։ Փոխարենը 95 ռազմագերի է փոխանցվել Ուկրաինայի զինված ուժեր»,- ասված է հաղորդագրությունում։
Գերությունից ռուս զինծառայողների վերադարձի ժամանակ Արաբական Միացյալ Էմիրությունները հումանիտար միջնորդական ջանքեր են գործադրել։
Ներկայումս գերությունից վերադարձած ռուս զինվորականները գտնվում են Բելառուսի տարածքում, որտեղ նրանց ցուցաբերվում է անհրաժեշտ հոգեբանական և բժշկական օգնություն, ինչպես նաև նրանց հնարավորություն է տրվում կապ հաստատել հարազատների հետ, հայտնում է ՊՆ-ն։
