ՏԵՍԱՆՅՈՒԹ․ Քաշքշոց՝ ԱԺ միջանցքում
Ազգային ժողովում, այսօր ընդդիմության կազմակերպած խորհրդարանական լսումների ժամանակ անվտանգության աշխատակիցները քաշքշելով ԱԺ նիստերի դահլիճից դուրս տարան Ակունք» քաղաքական վերլուծությունների կենտրոնի ղեկավար Ռուբեն Հակոբյանին:
Նրանք որեւէ պատճառաբանություն չբերեցին, միայն հայտնի դարձավ, որ դա աշխատակազմի ղեկավարի հրահանգն է եղել:
Մի պահ իրավիճակը լարվեց «Հայաստան» խմբակցության ղեկավարի աշխատասենյակի դռան մոտ, քանի որ Ռուբեն Հակոբյանն ուզում էր մտնել եւ իրերը վերցնել, սակայն նրան թույլ չտվեցին: «Այդ ստորությունն ինչի՞ եք անում, ես ձեր հերն անիծելու եմ, իմացեք»,- ասաց Հակոբյանը:
Նշենք, որ լսումների ժամանակ իր ելույթում Ռուբեն Հակոբյանը, մասնավորապես, ասել էր. «Պետք է ամեն գնով վռնդել այս իշխանություններին, ամեն գնով նշանակում է ապստամբել, նշանակում է մահապարտների ջոկատներ կազմել եւ քշել իրենց»:
Հիշեցնենք, որ խորհրդարանական լսումներն անցկացվում են «Հայաստան» խմբակցության հրավերով, որի ընթացքում քննարկվում է խմբակցության ներկայացրած «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագիծը:
