Խոսքերն անիմաստ են. Թուրքիայի ԱԳՆ–ն՝ Իսրայելի դեմ գործողությունների մասին
Թուրքիայի արտաքին գործերի նախարար Հաքան Ֆիդանը հայտարարել է, որ միջազգային հանրությունը պետք է բոյկոտի Իսրայելը և պատժամիջոցներ սահմանի երկրի դեմ: Այս մասին, Интерфакс–ի հաղորդմամբ, հայտնում են մերձավորարևելյան լրատվամիջոցները։
«Մենք հասել ենք մի կետի, որտեղ խոսքերը, դիվանագիտությունը և միջազգային քաղաքականությունը անիմաստ են: Մենք պետք է սկսենք պատժամիջոցներ կիրառել»,- ասել է Ֆիդանը` ելույթ ունենալով Թուրքիայի իշխող «Արդարություն և զարգացում» կուսակցության կողմից կազմակերպված Պաղեստինի հարցով հանդիպման ժամանակ:
Նախօրեին Թուրքիայի նախագահ Ռեջեփ Թայիփ Էրդողանը հայտարարել էր, որ ՄԱԿ-ի Անվտանգության խորհուրդը միջոցներ չի ձեռնարկում Գազայի հատվածում և Լիբանանում Իսրայելի ռազմական գործողությունները դադարեցնելու համար։
