Թուրքիայի նախագահ Ռեջեփ Թայիփ Էրդողանը հայտարարել է, որ Գազայի հատված օգնության մատակարարումները նվազել են Իսրայելի խոչընդոտների պատճառով, իսկ ՄԱԿ-ի անգործությունը տագնապալի է:

«Մենք տեսնում ենք Գազայի հատվածին հասցվող օգնության ծավալի լուրջ անկում: Դա պայմանավորված է նրանով, որ Իսրայելը ահաբեկում է մարդասիրական կազմակերպություններին: Բայց ձմռան մոտենալուն պես պետք է լրացուցիչ ջանքեր գործադրվեն Գազայի ժողովրդին ապահովելու այն ամենով ինչ  անհրաժեշտ է: Ավելին, մեր հայտարարությունները այն մասին թե Իսրայելը Գազայում կանգ չի առնելու, իրականացան և  ստացվեց, այնպես, որ նա արդեն հարձակվում է ՄԱԿ-ի խաղաղապահների վրա»,- ասել է Էրդողանը կառավարության նիստից հետո։ 

Թուրքիայի ղեկավարը նշել է, որ «ՄԱԿ-ը նույնիսկ ի վիճակի չէ պաշտպանել իր աշխատակիցներին»։  «Սա ամոթալի է և ստիպում է մեզ անհանգստանալ: Իսրայելական տանկերը մտնում են ՄԱԿ-ի գոտի, հարձակվում են խաղաղապահների վրա, վիրավորում նրանց, իսկ ՄԱԿ-ի Անվտանգության խորհուրդը պարզապես հետևում է այս ամբողջ ավազակապետությանը փոխարենը փորձի կանգնեցնել Իսրայելին»,- ասել է Էրդողանը։

Նա նաև հիշեցրել է, որ Իսրայելի ղեկավարությունը «հավանություն և օգնություն է ստանում այն ​​երկրներից, որոնք նախկինում աջակցել են ահաբեկիչներին Սիրիայում և թույլ չեն տվել Թուրքիային պայքարել նրանց դեմ»։