Լիբանանում ԱՄՆ դեսպանատունը երկրում գտնվող ամերիկացիներին կոչ է արել անհապաղ հեռանալ երկրից: Այս մասին  հաղորդում է «Ամերիկայի ձայն»-ը:

Հայտարարության մեջ նշվում է, որ Բեյրութից մեկնող իր քաղաքացիների համար դեսպանատան կազմակերպած լրացուցիչ թռիչքներն անվերջ չեն շարունակվելու։

Հիշեցնենք, որ Լիբանանի հարավում հոկտեմբերի 12-ին իսրայելական հարձակման հետևանքով վիրավորվել էին ՄԱԿ-ի երկու խաղաղապահներ։ ՄԱԿ-ի գլխավոր քարտուղար Անտոնիո Գուտերեշը և արևմտյան երկրների մի շարք ներկայացուցիչներ դատապարտել են Իսրայելի պաշտպանության բանակի հարձակումը։ ՄԱԿ-ի խաղաղապահ ուժերը դա անվանել է «լուրջ զարգացում» և հայտարարել, որ ՄԱԿ-ի անձնակազմի և ունեցվածքի անվտանգությունը պետք է երաշխավորված լինի: