Եգիպտոսի կենտրոնական Էլ Մինյա նահանգում երկու մարդատար գնացքների բախման հետևանքով տուժել է առնվազն 20 մարդ։ Այս մասին հայտնում է երկրի Առողջապահության նախարարությունը։

«Նախնական տվյալներով՝ գնացքների բախման հետևանքով տուժել է 20 մարդ, բոլորը տարբեր ծանրության վնասվածքներով հոսպիտալացվել են»,- ասվում է Եգիպտոսի առողջապահության նախարարության հաղորդագրության մեջ։ Գերատեսչությունից ընդգծել են, որ դեպքի հետևանքով զոհվածների մասին տեղեկություն դեռևս չեն ստացել։