«Տաք գլուխները, եթե չլսեին, առնվազն արդեն ռմբակոծում էին մեզ». Լուկաշենկո

Արեւմուտքում տաք գլուխները ազդանշաններ են լսել ռուսական միջուկային դոկտրինի փոփոխությունների հետ կապված, դա սառեցնում է նրանց եռանդը: Այս մասին հայտարարել Է Բելառուսի նախագահ Ալեքսանդր Լուկաշենկոն: Տեսանյութը հրապարակվել է հեռուստալրագրող Պավել Զարուբինի Telegram-ալիքում։

«Տաք գլուխները, եթե չլսեին, առնվազն արդեն ռմբակոծում էին մեզ, հատկապես Ռուսաստանին, այդ հեռահար հրթիռներով։ Իսկ դա, հավանաբար, սառեցնում է նրանց եռանդը», - ասել է նա։

ՌԴ նախագահ Վլադիմիր Պուտինն ավելի վաղ միջուկային զսպման հարցով անվտանգության խորհրդի մշտական խորհրդակցության ժամանակ առաջարկել էր քննարկել միջուկային զսպման ոլորտում պետական քաղաքականության հիմքերի թարմացման հետ կապված հարցը: Պուտինը հայտարարել է, որ Ռուսաստանն իրեն իրավունք է վերապահում միջուկային զենք կիրառել ագրեսիայի դեպքում, այդ թվում, եթե հակառակորդը, օգտագործելով սովորական զենք, կրիտիկական սպառնալիք է ստեղծում ինքնիշխանության համար: