ԿԺԴՀ-ն հրամայել է սահմանին գտնվող իր հրետանուն պատրաստ լինել կրակելու. ԶԼՄ
Կորեայի ժողովրդական բանակի գլխավոր շտաբը հրաման է տվել սահմանային հրետանային կազմավորումները կրակի լիարժեք պատրաստության բերել, հայտնում է Voice of Korea ռադիոն՝ վկայակոչելով ԿԺԴՀ պաշտպանության նախարարության ներկայացուցչին։
«Հոկտեմբերի 13-ին ԿԺԴՀ պաշտպանության նախարարության ներկայացուցիչը հայտարարել է, որ Գլխավոր շտաբը հրամայել է սահմանային հրետանային կազմավորումներին պատրաստ լինել կրակելու», - ասվում է հրապարակման մեջ:
Հիշեցնենք, որ Հյուսիսային Կորեայի ԱԳՆ-ն ուրբաթ օրը հայտարարել էր, որ Հարավային Կորեան անցած շաբաթվանից երեք անգամ՝ հոկտեմբերի 3-ին, 9-ին և 10-ին Փհենյան է ուղարկել անօդաչու թռչող սարքեր՝ թռուցիկներ բաժանելու համար: ԿԺԴՀ-ն այդ քայլը համարել է ռազմական սադրանք և իր ինքնիշխանության խախտում:
