ԱՄՆ-ում նախագահի, որ թեկնածուին են աջակցում միլիարդատերերը

ԱՄՆ նախագահի դեմոկրատ թեկնածու Քամալա Հարիսին աջակցում է 76 միլիարդատեր, իսկ նրա հանրապետական մրցակից Դոնալդ Թրամփին՝ 49, հայտնում է Forbes ամսագիրը։

«Մեր վերլուծությունը ցույց է տալիս, որ 76 միլիարդատ աջակցում են Հարրիսին, իսկ 49-ը՝ Թրամփին»,- հայտնում է հրատարակությունը։

Ըստ ամսագրի՝ Հարիսի կողմնակիցների թվում են Նյու Յորքի նախկին քաղաքապետ Մայքլ Բլումբերգը, Linkedin սոցցանցի հիմնադիր Ռիդ Հոֆմանը, Facebook-ի Դասթին Մոսկովիցը, Google-ի նախկին գործադիր տնօրեն Էրիկ Շմիդտը, կինոռեժիսոր Սթիվեն Սփիլբերգը, Netflix-ի նախագահ Ռիդ Հասթինգսը և Ուկրաինայում տնտեսական վերականգնման հարցերով ԱՄՆ հատուկ ներկայացուցիչ Պենի Պրիցկերը։

Հրապարակման համաձայն՝ Թրամփը լայն աջակցություն է վայելում ամերիկյան արդյունաբերական մագնատների կողմից, այդ թվում՝ նավթագազային CrownQuest Operating ընկերության գլխավոր գործադիր տնօրեն Թիմոթի Դաննի, ամերիկյան Home Depot մանրածախ ցանցի համահիմնադիր և նախկին նախագահ Հարոլդ Համմի։

Forbes-ը նաև նշում է, որ որոշ միլիարդատերեր դեռ չեն աջակցել թեկնածուներից որևէ մեկին, այդ թվում՝ Amazon-ի հիմնադիր Ջեֆ Բեզոսը, Meta-ի հիմնադիր Մարկ Ցուկերբերգը, Microsoft-ի հիմնադիր Բիլ Գեյթսը և Google-ի համահիմնադիր Սերգեյ Բրինը։