Բաքվի կողմից ապօրինի կալանավորված՝ Արցախի նախկին նախագահներ Արայիկ Հարությունյանի, Արկադի Ղուկասյանի, Բակո Սահակյանի, ԱԳ նախկին նախարար Դավիթ Բաբայանի, ԱԺ նախագահ Դավիթ Իշխանյանի եւ գեներալ Դավիթ Մանուկյանի կալանքի ժամկետները երկարաձգվել են, հայտնում են ադրբեջանական ԶԼՄ–ները։

Վերջերս Բաքուն նոր մեղադրանք էր առաջադրել նրանց նկատմամբ, իբր, պատմամշակութային հուշարձանների ոչնչացման համար։

Հիշեցնենք, որ Արցախի ռազմաքաղաքական ղեկավարները ապօրինի ազատազրկված են Բաքվում 2023 թվականի սեպտեմբերից։ Արցախի ամբողջական օկուպացիայից հետո Ադրբեջանի ուժայինները ձերբակալեցին և Բաքու տեղափոխեցին Արցախի նախկին և ներկա ռազմաքաղաքական ղեկավարության 8 ներկայացուցիչների։