ՏԵՍԱՆՅՈՒԹ․ Միևնույն ժամանակ Բաքուն ուզում է ՀՀ-ն պահել շրջափակման մեջ․ Փաշինյան
Ադրբեջանը ցանկանում է օգտվել Հայաստանով անցնող հաղորդակցություններից, սակայն մտադիր չէ ապաշրջափակել սեփական կապուղիները։ Այս մասին «Քաղաքացիական պայմանագիր» կուսակցությունում սեմինարի ժամանակ հայտարարել է ՀՀ վարչապետ Նիկոլ Փաշինյանը։
«Այս վարքագիծը ցույց է տալիս, որ Ադրբեջանը ցանկանում է օգտագործել Հայաստանով անցնող հաղորդակցությունները, այլ ոչ թե բացել սեփականը և Հայաստանին պահել շրջափակման մեջ», - նշել է նա։
Փաշինյանի խոսքով՝ Ադրբեջանը չի ցանկանում ընդունել Հայաստանի կառավարության առաջարկած «Խաղաղության խաչմերուկ» նախագիծը, քանի որ մտահոգված է, որ Հայաստանը կօգտագործի այդ տնտեսական օգուտը սեփական պաշտպանությունն ուժեղացնելու համար։
«Բայց մենք ամենաբարձր մակարդակով հայտարարել ենք, որ ճանաչում ենք մեր հարևանների տարածքային ամբողջականությունը, մենք ագրեսիվ պլաններ չունենք, ավելին, չենք պատրաստվում ռազմական ճանապարհով ազատագրել Հայաստանի ինքնիշխան տարածքի օկուպացված հատվածները», - ասել է Փաշինյանը։
