Չարլզ III-ը դեմ չի լինի, եթե Ավստրալիան որոշի հանրապետություն հռչակվել. The Daily Mail
Մեծ Բրիտանիայի թագավոր Չարլզ III-ը դեմ չի լինի, եթե Ավստրալիան որոշի հանրապետություն հռչակվել և այլևս բրիտանացի միապետին պետության ղեկավար չհամարի։ Այս մասին հայտնում է The Daily Mail թերթը՝ վկայակոչելով նամակից հատվածներ, որը միապետի անձնական քարտուղարն ուղարկել է Ավստրալիայի հանրապետական շարժման անդամներին Չարլզ III-ի՝ Կանբերա և Սիդնեյ այցի նախօրեին։
«Որպես սահմանադրական միապետ՝ Նորին Մեծությունը գործում է իր նախարարների խորհրդով, ուստի Ավստրալիայի՝ հանրապետություն դառնալու հարցը Ավստրալիայի հանրության որոշելիք խնդիրն է»,- ասվում է փաստաթղթում, որը շարժման ղեկավարությունը ստացել է թագավորի հետ հանդիպման խնդրանքին ի պատասխան։
Ավստրալիայի հանրապետական շարժումը, որը հիմնադրվել է 1991 թվականին, պնդում է, որ պետության ղեկավարը պետք է ընտրվի, իսկ գեներալ–նահանգապետի պաշտոնը պետք է վերացվի: Ակնկալվում է, որ Ավստրալիան և Միացյալ Թագավորությունը կմնան «ամենամոտ ընկերներն ու դաշնակիցները»։
Ավստրալիայի հանրաքվեն ամբողջ երկրում տեղի ունեցավ 1999 թվականի նոյեմբերի 6-ին, որին մասկանցել էր մոտ 12 միլիոն ավստրալացի: Քաղաքացիներին առաջարկվել էր պատասխանել այն հարցին, թե արդյո՞ք կողմ են պետությունը նախագահի կողմից ղեկավարվող խորհրդարանական հանրապետության վերածելու գաղափարին։
Երկրի հանրապետական շարժումը պետք է ստանար ձայների ավելի քան 50%-ը առնվազն չորս նահանգներում, սակայն, ի վերջո, ընտրողների 55%-ը կողմ եղավ բրիտանական միապետի իշխանությունը պահպանությանը, և միայն 45%-ն էր կողմ քվեարկել հանրապետության ստեղծմանը։
Ավստրալիայում հանրապետություն հռչակելու շուրջ քննարկումներն ակտիվացել են 2023 թվականի սեպտեմբերին Եղիսաբեթ II թագուհու մահից հետո։
