Հայտնի է՝ մետրոպոլիտենը երբ ամբողջությամբ կհրաժարվի ժետոններից

Երևանի մետրոպոլիտենը մինչև հոկտեմբերի վերջ ամբողջությամբ կհրաժարվի ուղեվարձի վճարման համար նախատեսված ժետոններից։

Դա պայմանավորված է տրանսպորտի վճարման միասնական համակարգի անցնելու հանգամանքով։ Այս մասին քաղաքապետարանում կայացած նիստում ասել է գերատեսչության գլխավոր տնօրեն Բաբկեն Սեդրակյանը։

Արդեն մի քանի ամիս է, ինչ մետրոպոլիտենի բոլոր կայարաններում գործում է միայն մեկ անցակետ, որն ընդունում է ժետոններ, մյուսները վճարման էլեկտրոնային համակարգով են աշխատում: