ԱՄՆ պաշտպանության նախարարությունը հերքել է Ուկրաինայի նախագահ Վլադիմիր Զելենսկու հայտարարությունն այն մասին, որ Արևմուտքը հետաձգում է Կիևին հրթիռային զենքի մատակարարումը։

Ելույթ ունենալով լրագրողների համար հերթական ճեպազրույցում, Պենտագոնի մամուլի քարտուղարի տեղակալ Սաբրինա Սինգհը բացասաբար է արձագանքել այն հարցին, թե արդյոք հավաքական Արևմուտքն իրոք պարզապես ժամանակ է ձգում նման մատակարարումներով, ինչպես կարծում է Զելենսկին։

«Ոչ, ես կասեի, որ մենք ունենք հեռահար հրթիռների սահմանափակ զինանոց», - ընդգծել է ԱՄՆ ռազմական գերատեսչության ներկայացուցիչը։