Իրանը Քաթարի միջոցով զգուշացրել է ԱՄՆ-ին
Իրանը Քաթարի միջոցով զգուշացրել է ԱՄՆ-ին, որ Իսրայելին հրթիռային հարված հասցնելուց հետո այլևս միակողմանի զսպվածություն չի ցուցաբերի: Այս մասին հայտնում է Al Jazeera հեռուստաալիքը՝ հղում անելով իր աղբյուրներին։
«Կապի անուղղակի ուղիներով Վաշինգտոնին փոխանցված մեր հաղորդագրության մեջ մենք հաստատել ենք, որ զսպվածության փուլը միայն մի կողմից է ավարտվել, եւ որ միակողմանի զսպվածությունը չի համապատասխանում մեր ազգային անվտանգության կարիքներին», — հեռուստաալիքը մեջբերել Է իրանցի պաշտոնյայի խոսքը:
Զրուցակիցը նաև ընդգծել է, որ Թեհրանը Վաշինգտոնին «արտառոց պատասխան» է խոստացել Թել Ավիվի ուժային գործողություններին: Ընդ որում, նա հավելել է, որ իրանական կողմը չի ցանկանում տարածաշրջանային հակամարտություն և ձգտում է իրականացնել Իսրայելի գործնական զսպումը:
