Իրանի ԳՇ-ն հայտարարություն է տարածել
Իրանը Իսրայելի դաշնակիցների հարձակման դեպքում հարվածելու է Մերձավոր Արևելքում նրանց բազաներին և շահերին: Այս մասին հայտարարել է Իրանի զինված ուժերի գլխավոր շտաբը։
«Եթե ռեժիմի դաշնակիցները մասնակցեն Իրանի վրա հարձակմանը, Իսլամական Հանրապետության զինված ուժերը հզոր հարված կհասցնեն նրանց կենտրոններին և շահերին։ Դա նրանց կստիպի ապաշխարել»,- Գլխավոր շտաբի խոսքերը մեջբերել է IRIB հեռուստաալիքը:
Հոկտեմբերի 1-ի երեկոյան Իրանը զանգվածային հրթիռային հարձակում է իրականացրել Իսրայելի վրա։ ԱՄՆ Պետդեպարտամենտի խոսնակ Մեթյու Միլլերը հայտարարել է, որ հարձակումը պետք է հետևանքներ ունենա, սակայն Միացյալ Նահանգները «չի ցանկանում հակամարտության հետագա սրում»։ Իսրայելի պաշտպանության բանակը խոստացել է հզոր հարվածներ հասցնել Մերձավոր Արևելքի թիրախներին։
